Zer da Gobernantza +65?

Eusko Jaurlaritzako Enplegu eta Gizarte Politikak Sailak GOBERNANTZA+65 ekimena abiarazi du 2015-2020rako Zahartze aktiboaren Euskal Estrategiaren barnean. Oinarrian parte hartzeko prozesu bat du, eta horren helburua da hausnartzea zahartzen ari diren pertsonek erabaki sozial eta politikoak hartzearen inguruan duten ordezkagarritasun-ereduaz, ezagutzaz, beharrizanez eta interesez.

Adituen Batzorde bat sortu da. Batzordea osatzen duten pertsonak hurrengo hauek dira:

• Daniel Innerarity, Politika eta Gizarte Filosofiako katedraduna, IKERBASQUE ikertzailea Euskal Herriko Unibertsitatean eta Gobernanza Institutuaren zuzendaria.
• Susana del Río, Europako Batzordeko Science, Society and Governance gaiari buruzko adituen batzordeko. Upgrading Europe Proiektua.
• Sara de la Rica, Euskal Herriko Unibertsitateko Ekonomiako katedraduna. Banco de España_FEDEA erakundearen FEDEA "Fuentes Quintana" ikerketa katedraren zuzendaria. IZA Journal of European Labor argitalpenaren editorekidea.
• Roberto San Salvador del Valle, Deustuko Unibertsitateko Giza eta Gizarte Zientzien katedraduna eta Deusto Cities Lab Katedraren zuzendaria.

• Joseba Muxika, Herritarren Partaidetzarako foru zuzendaria.
• Sergio Murillo, Bizkaiko Foru Aldundiaren Autonomia Pertsonala Sustatzeko zuzendari nagusia.
• Marian Olabarrieta, Arabako Foru Aldundiko Gizarte Zerbitzuen foru zuzendaria.
• Javier Bikandi, Eusko Jaurlaritzaren Herri Administrazio eta Justizia Sailaren Herritarrak Hartzeko eta Administrazioa Berritzeko eta Hobetzeko zuzendaria.
• Imanol Zubero, Soziologian doktorea Euskal Herriko Unibertsitateko irakasle titularra.

GOBERNANTZA+65 ekimenak Parte-hartze Prozesu zabal eta ireki bat proposatzen du. Lau hilabete luzez ehun pertsona baino gehiago lankidetzan jardungo dira egungo gobernantza-eredu eta testuingurua hobetuko duen balio-proposamen bat aurkitzeko. Zahartzen ari diren herritarrek, askotarikoek, profesional publiko eta pribatuekin, gerontologiaren eremuko erakundeekin, elkarte eta kolektibo formalekin, unibertsitateekin, alderdi politikoekin eta komunikabideekin batera, ezagutza kolektiboaren mapa bat osatuko dute, gizarte osoarentzako gobernantza-eredu hobe bat aurkitzeko.